ایک نیوز
ایک نیوز
ایک نیوز
ایک نیوز
انتظار فرمائیے...

پنجاب میں پہلا اور منفرد”سہولت آن دی گو“بازار قائم کرنے کا فیصلہ

کاٹیج ٹاپ شاپس پر اشیاء خوردنوش اور اشیاء ضروریہ دستیاب ہوں گی

03 April 2025

 ایک نیوز:پنجاب حکومت نے صوبے میں اپنی نوعیت کا پہلا اور منفرد”سہولت آن دی گو“بازار قائم کرنے کا فیصلہ کیا ہے۔

تفصیلات کے مطابق وزیراعلیٰ پنجاب مریم نوازشریف نے”سہولت آن دی گو“بازار پراجیکٹ کی اصولی منظوری دے دی ، لاہور میں 14مقامات پر”سہولت آن دی گو“بازار پائلٹ پراجیکٹ کیلئے پلان طلب  کرلیا۔

ملتان روڈ،ہنجروال، مانگا منڈی، رائیونڈ، جی ون مارکیٹ، فیصل ٹاؤن، مون مارکیٹ اور بیدیاں روڈ  ،ای ملت روڈ، گلشن راوی، شاہدرہ، شادمان اور سنگھ پورہ میں”سہولت آن دی گو“بازار قائم   کیے جائیں گے ،روڈزکے اطراف میں یکساں طرز کے کاٹیج ٹاپ شاپس پر اشیاء خوردنوش اور اشیاء ضروریہ دستیاب  ہوں گی،”سہولت آن دی گو“بازار میں صاف ستھرا ماحول اور سیکیورٹی کا خاص اہتمام کیا جائے گا۔

وزیراعلیٰ  مریم نواز سے پنجاب ماڈل بازار مینجمنٹ کمپنی کے چیئرمین محمد افضل کھوکھر  نے ملاقات  کی،   رمضان المبارک میں لگنے والے ماڈل بازار پر رپورٹ پیش کی ،وزیراعلیٰ مریم نوازشریف  نے  رمضان میں لگنے والے ماڈل بازار پر اظہار اطمینان کیا۔

 دوران ملاقات پنجاب کی ہر تحصیل میں ”سہولت آن دی گو“پراجیکٹ شروع کرنے پر اتفاق  ہوا”سہولت آن دی گو“ بازار کے لئے روڈ کے اطراف میں سرکاری اراضی استعمال میں لائی جائے گی ، وزیراعلیٰ مریم نوازشریف نے ”سہولت آن دی گو“ پائلٹ پراجیکٹ کے لئے چار ماہ کا ہدف مقررکر دیا۔

>